2025年の總結 & 2026年の野望
隨着2025年就快完結，今日係X'mas 聖誕節正日🎄🎅🏻，抽一啲時間嚟寫一篇今年嘅總結，及明年嘅搞作。😊
「30年目G.Kit系列」已經搞咗3年，呢個系列當然唔係無止境咁搞落去，只要處理晒一生積落嘅G.Kit模型，呢個系列就會完結 (以後唔砌模型)，因為到時青少年時代嘅心願就會達成。 而搞呢一個「永久保存site」，就係將我嘅童年願望快樂，永久保存落去，即使日後我嘅傑作變成遺作，亦能夠永遠存在，而呢個平台(blogger)，係屬於Google，而且係永久免費嘅，所以能夠永久保存落去，呢個係我對打擊命運嘅一個終極手段 (唔好以為時間耐咗，我嘅童年終極玩樂就會被世人忘記，因為我有一個終極嘅免費使用website🤣，只要動下腦根，時間與命運亦可以被戰勝的🖕🏻)。
回顧我於2025年今年，處理咗8隻80-90年代買落嘅 1/220 G.Kit，全部為B-Club或C3AFA生產嘅GUNDAM 0079-0083 G.Kit系列，組合咗場景模型傑作「0083.10.14 無休止的追擊」，算係欣賞值好高，我睇咗好幾個月，依個展品都仲未睇厭，我諗算係我一生之中最好嘅作品。但係1/220嘅存貨仍然有一半未處理，大約又係另外6-8隻1/220 G.Kit，時代集中喺U.C.0088-U.C.0123，會決定喺2026年1月開始處理，完成埋最後呢半打1/220 G.Kit，基本上我就會有兩個Display Boxes，包含整個Universal Century嘅主要機體，咁樣就可以解決心願嘅問題，而同時又可以節省地方，因為畢竟只係兩個45cm長度到嘅Display Box，就解決晒一生嘅GUNDAM G.Kit，以面積擺放計算，算係非常慳位，我覺得係一個好好嘅ideal，相對於其他模型玩家，要搵一個玻璃櫃去裝晒一生所有嘅GUNDAM模型，當年我選擇購買1/220比例嘅G.Kit，而家睇返可算係棋高一着。
2026年將會製作嘅呢幾隻U.C.0088-U.C.0123嘅1/220 G.Kit系列，我會叫1/220 Part II，第一炮暫時決定係GUNDAM Sentinel系列嘅1/220 G.Kit，算係一種非常罕有嘅GUNDAM Series細比例系列，所以我會加以使用改造，「舊貨新玩」，唔希望浪費咗佢，由於現時製作呢種比例G.Kit嘅師傅，已經係好少好少，作為歷史傑作，我相信好適合。詳情請定時跟進此網頁，2026年將會繼續瘋狂分享，但相信將會係最後一次及最後一年對1/220 G.Kit嘅大製作... 係「野望」嘢 (學日本仔咁講)... 😊🤣。
順便今日祝大家X'Mas X'Mas... 🎄
 |
| GUNDAM Sentinel (當年80年代香港A-Club動漫雜誌翻譯叫: 聯邦先鋒戰兵器檔案...LOL..) 🤣 |
0 件のコメント:
コメントを投稿