GUNDAM 0083「強襲、阻止界限點」

The 30th Anniversary G.Kit Series: No. 015-017

🎬 [From GUNDAM 0083.11.12 「強襲、阻止限界点」]

Manufacturer: B-Club
Scale: 1/550, 1/1700
Plastic Type: Garage Kit (Resin/G.Kit), 樹脂膠模型，並非Bandai低B嘢。

Year of origin: 1994

Year of purchase: 1995
Year of modelling fulfilment: 2024.08 (waited for 29 years to be completed)

此作品為GUNDAM 0083第12話「強襲、阻止限界点」場景。

No.015作品 - 1/550 RX-78GP03 (G.Kit);
No.016作品 - 1/1700 地球連邦軌道艦隊 - Salamis级(改) 宇宙巡洋艦 (G.Kit);
No.017作品 - 1/550 AMX-002 Neue Ziel (G.Kit)。

場景內容

U.C.0083年11月12日，Zeon軍餘黨 - Delaz Fleet嘅「星塵計劃」(Operation Stardust)，進入最後階段。其戰略利用騎劫嘅宇宙殖民地 (Side 1 - Island Ease)，假意墜落月面都市Von Braun，但實際上係以消耗由地球連邦宇宙軍鎮首府「剛比島」基地所出發嘅追擊先遣艦隊嘅推進劑(艦隊燃料)，殖民地繞道月球後由月面都市Von Braun被逼提供燃料，殖民地嘅引擎被燃點後，再向地球進發(U-Turn)，其最終目的就係將質量達到直徑6公里，長度36公里嘅宇宙殖民地墜落地球，此時Island Ease殖民地只剩下最後一程路程，就會墜落地球。

整個遊戲，其實就係U.C.0079年「一年戰爭」嘅翻版 (殖民地墜落作戰)。

由剛比島鎮首府追到去月球附近嘅整支連邦軍追擊艦隊，耗盡燃料，這是由於Von Braun市之前剛被迫提供燃料給墜落月球中的殖民地，因此當連邦艦隊及後抵達時，Von Braun市根本再冇燃料可提供，因此連邦艦隊全數拋錨，這正正是「星塵計劃」嘅一部份劇本。
此時，位於月球同地球之間嘅最後一段路程 (Lagrange Point 2 (拉格朗日點L2))，僅剩下地球連邦宇宙軍第3地球軌道艦隊的一艘強襲揚陸艦7號艦Albion (MSC-07)及其搭載機GUNDAM RX-78GP03可作攔截，此場景模型嘅製作，就係將當時嘅情景，呈現喺G.Kit模型之上，如果睇過0083第12話「強襲、阻止限界点」，大家應該一睇就有共鳴。

未睇過都冇問題，呢個時代YouTube上面有好多，自己上去睇返。

阻止界限點 (Point of no Return)

U.C.0083年11月12日 - 18:30

被Zeon軍Delaz Fleet騎劫嘅宇宙殖民地Side 1 - Island Ease，正處於由月球前往地球之間嘅墜落航道之上，通稱「Lagrange Point 2(拉格朗日點L2宇宙空域)」，而其攔截殖民地前進嘅嘅最後有效位置，係位於地球地面高度大約25km嘅位置，叫做「阻止界限點」嘅軌道空域，只要殖民地航行去到該位置並通過後，殖民地會進入地球嘅重力井，殖民地墜落地球嘅軌道就冇辦法再被修正，因此被視為阻止殖民地墜落嘅最後軌道位置。

紅線為阻止界限點嘅位置，綠色圓圈為殖民地位置，紫色為強襲揚陸艦7號艦Albion (MSC-07)及GUNDAM RX-78GP03截擊Delaz Fleet及殖民地嘅位置。喺殖民地到達紅線之前如果解決唔到問題，殖民地就冇辦法修正軌道，肯定會墜落地球。

GUNDAM RX-78GP03於殖民地墜落嘅航道上，即Lagrange Point 2附近(拉格朗日點L2宇宙空域)，
迎擊Delaz Fleet艦隊及殖民地，圖片中為使用散彈倉對付Zeon M.S.大軍の勢態。
B-Club製 1/550 GUNDAM RX-78GP03 (Resin/Garage Kit)

Youtube動畫版參考，上一幅寫真如果睇唔明白，請Play自己睇🙏🏻。

U.C.0083年11月12日 - 21:47

地球連邦援軍 - 第1軌道艦隊抵達「阻止界限點」後方，並預備展開大殺傷力武器Solar System II，意圖將正在向地球墜落嘅殖民地Island Ease摧毁。圖片為第1軌道艦隊於「阻止界限點」後方聚集嘅寫照。

地球連邦宇宙軍 - 第1軌道艦隊
B-Club製 1/1700 Salamis級(改)宇宙巡洋艦

UC.0083年11月12日 - 11:20

Zeon軍Delaz Fleet艦隊嘅護航M.A Neue Ziel AMX-02於Solar System II前方，與第1軌道艦隊交戰中。此時，殖民地已經穿過了「阻止界限點」。

Operation Stardust進入最後階段，當殖民地通過阻止界限點之後，兩軍進入無差別混戰局面。
B-Club製 1/550 Neue Ziel AMX-02 (Resin/Garage Kit)

地球連邦第1軌道艦隊面對着Neue Ziel嘅火力，軌道艦隊最後嘅抵抗。

Youtube動畫版參考，上2幅寫真如果睇唔明白，請Play自己睇🙏🏻。

Universal Century歷史書之記錄

呢段歷史，可以睇返1993年出品嘅M.S. ERA calendar，我當時買咗，可以做reference。當時背U.C.嘅歷史，仲熟讀個中史同西史.... 😆。

1993年購入嘅月曆，而家成為relic (文化遺產)。

我哋打開11月睇睇.....

11月12號係大日子，記錄咗「阻止界限點突破」及Solar System II發射嘅日子。
以及11月13日，殖民地墜落北美の穀倉地帯....美國亡國了....哈哈哈...😆😆😆

兩軍Mobile Armor交戰，衝向「阻止界限點」嗰一幕，就係呢一套場景模型嘅精髓。
睇完上面嗰兩幅OVA插圖，咁而家睇得明呢個作品係搞乜嘢...😆🤭。大家明白了吧。
當然，我PS左一下，搞咗i-Field....😆

自己睇.... 阻止界限點....

呢個樣，其實就係80-90年代喺旺角G.Kit模型舖見到嘅樣子，我只不過係重做80年代嘅香港氣氛。

嗱，當年細路仔(我)去到旺角啲G.Kit舖，我個頭就會哄埋個玻璃飾櫃喺度咁樣睇，心諗「精細嘢精細嘢...」😆，個角度同依幅相差唔多，咁樣影可以回味我童年時候，睇模型睇到流口水嘅回憶。

精細嘢...精細嘢...

我搞咗銅牌，豪華一點。

日本Garage Kit首辦展覽會Jaf-Con'92發售，1/8 Lucette Audevie。
GUNDAM Development Project 3號機 (RX-78GP03)嘅System Engineer。
佢喺上幾個作品嘅G.Kit，我順手擺埋喺呢度，直接全家福❤️ok。

2024場景作品GUNDAM 0083「強襲、阻止界限點」(Diorama)