Refined GUNDAM Zeta (Re-Gz) RGZ-91
The 30th Anniversary G.Kit Series: No. 031
🎬 [Mobile Suit GUNDAM Char's Counterattack]
Plastic Type: Garage Kit (G.Kit)
Year of modelling fulfillment: 1995 (first time), 2026.09 (second time)
此G.Kit為30年目系列の第31號作品，花咗大約2個月時間完成，第1次入貨嘅時間係1992年，當時即刻砌，但由於技術欠奉，當年並沒有今天嘅財力購買專業模型工具，因此砌完之後發覺質量太差，最後掉咗🥲。第2次獲得一模一樣嘅1/220 RGZ-91 G.Kit(正版)係2025年，透過Carousell賣家「交換G.Kit」而獲取，就係依一隻。
我人生第一隻1/220 G.Kit，就係喺90年代初喺旺角宇宙船購入嘅Hi-v GUNDAM，而第2隻就係呢一隻RGZ-91。依盒嘢算係大件夾抵食，有飛機，有M.S. 所以當時就買咗(老番)，但由於當時嘅經濟能力實在太差，冇錢買模型工具，砌出嚟嘅效果非常可怕。我大約欣賞咗一兩年左右，就掉咗，自己都接受唔到。但今時今日唔同，我有大量專業工具，所以當喺Carousel見到有賣家放售，就主動聯絡，問一問對方是否願意交換，對方很爽快就應承。為咗答謝佢，所以我將呢一隻1/220改造得特別細緻，亦幫隻嘢搞GUNDAM Sentinel style嘅相片(見下面第一張)，希望唔好失禮個賣家🤝，砌好隻G.Kit當係報答咗佢。
處理呢隻G.Kit嘅時間特別長，要成兩個月，原因係個package雖然包含飛機、及MS嘅parts，但可恨嘅係，B-Club廠方只係容許比你選擇砌是但一款(2選1)，冇辦法同時兩款(MS+飛機)同時實現，由於我今天已經有能力製造部件，所以決定先將原廠嘅部件先砌好晒MS嘅部份，呢個時候飛機嘅部份會少咗膊頭、內襟翼等遮罩部份，於是我DIY以Full Scratch Build製作補回呢啲部份，當係補完飛機嘅部份，令到飛機所有部份嘅部件都齊全，最後連飛機都砌埋出來。
造型尚算係非常優美，各個部份大小非常適中，並冇任何部份係唔合比例，在B-Club 1/220「All That GUNDAM」系列之中，呢個唔係必然嘅事，有時候有啲型號，做出來嘅比例係好可怕，例如我有一隻1/220 RX-78GP04，都唔知邊條日本仔仆街做到個胸口特別大，拍落其他1/220 G.Kit嘅時候，零零舍舍邊成加大碼，所以唔好以為每一盒B-Club製嘅1/220都係同一個絕對比例，有時可能會達到1/200都唔出奇。
喺馬莎之反擊劇場版裏面，RGZ-91出場嘅時候個氣氛係唔錯，如果大家留意到我製作嘅姿勢，其實係模擬喺劇場版出場嘅時候「甩機」嗰個動作，所以你會發覺個飛機頭會微微向下走，而飛機嘅內襟翼我係抄足劇場版「打開」嗰個動作(MS同飛機分離嘅時候，內襟翼亦會打開)，因此嗰兩支炮仔都會向下傾斜，就係咁解。總之我盡量做到同原著差唔多嘅動作，效果做出來相當唔錯。
總之砌呢隻嘢，係花最多時間嘅一隻1/220，好似砌嚟砌去都砌唔完咁樣...。
下一隻1/220 MS，係今年度定好嘅最後一隻1/220 M.S.，亦係一隻非常複雜嘅VMsAWrs，又唔知要搞幾多個月，希望聖誕之前能夠完成。
P.S. 唔好意思，飛機嗰個部份我一直叫做「飛機」，實際上個名叫做「BWS」 - Back Weapon System，我怕大家聽唔明，所以我一直叫佢做飛機。
相片各有註解，大家自己睇。
Click on the photo to load full resolution image👇
 |
| U.C.0093年3月4日，Amuro RayのRGZ-91 Re-GZ向着由Neo Zeon控制嘅資源隕石Fifth Luna進發， 阻止其墜落連邦首府Lhasa(拉薩)，此圖由Londo Bell旗艦Ra Cailum艦橋後方拍攝....😋(幻想嘢) |
 |
| B-Club製の1/220「All That GUNDAM」のRe-Gz RGZ-91 GUNDAM Sentinel化 (Garage/Resin Kit) |
 |
| 劇場版-瑪莎之反擊 - RGZ-91の「甩機」 製作姿勢係參考呢一個動作... 🧐🤭。 |
 |
| 飛機點樣可以將佢豎起支撐，我諗咗一個較整潔嘅方案，就係直接從RGZ-91個囉柚嘅部份「接枝」咁樣駁上去， 咁樣喺視覺上就會慳咗一枝銅枝，可以一體化一枝過插喺木座上面，比用兩支獨立嘅好睇好多。 |
 |
| 膊頭(左)我加咗交叉Alpha logo，Amuro Ray仲用緊咁解....😆 |
 |
| 上次搞完1/220 MSA-007 Nero之後，有一個原裝嘅Finder parts未用，今次攞嚟加咗落去RGZ-91支槍嘅旁側， 搞GUNDAM Sentinel化，個外觀感覺非常唔錯，當然例牌我會加綠色晶體。 |
 |
| 膝頭哥紅色長方形嗰個噴嘴、及腳內側長方形嗰塊排氣板，都係改造部件 |
 |
| 所有噴嘴都係改造部件。 |
 |
| 膊頭兩側嘅正方形噴嘴，又係改做部件，背包、及囉柚尾冚嘅噴嘴，又係改造部件。 |
 |
| Closeup: 兩側嘅橙色導彈，係改做部件，個腳骹又係改做部件，膝頭哥內側嗰塊灰色嘅排版，又係改做部件， 落足重本大改造，務求做到舊貨新玩。 |
 |
| 飛機背脊套住RGZ-91背包噴射引擎嗰兩個長方形空框，基本上全個Sratch Build. 我亦用刻線刀補上好多刻線，增加Details感覺，所有噴嘴亦係改造部件。 |
 |
| 飛機(B.W.S. - Back Weapon System)嘅正面，使用咗大量改造部件及DIY parts。呢一個部份我搞咗好耐😫。 |
 |
| 飛機((B.W.S. - Back Weapon System))襟翼內側嘅所有部份，基本上全部係DIY Full Scratch Build， 包括襟翼本身、Cylinder-Joints、及外露嘅打孖短圓條型喉管等等。 |
 |
| Fuel tank尾部加上改造部件後的樣子 (類似噴嘴嘅物體)。 |
 |
| 1. 原裝嘅Fuel Tank奇形怪狀，根本係橢圓形，並唔係圓形，好可怕。 2. 將佢咬上打磨轉嘴，變成車床。 3. 玩D&T，中學學到嘅嘢，而家有用😆。 4. Fuel Tank嘅正面加上圓形嘅cap蓋改做部件。 5. Fuel Tank嘅後面加上圓形嘅cap蓋改做部件。 |
 |
| 6. 原裝炮身(下)跟DIY炮身(上)嘅比較 7. 飛機頭正面使用改造部件 8. 飛機底噴嘴部份，加入排版一個，及改造部件噴嘴一個。 9. 飛機內襟翼係全個DIY Full Scratch build. |
 |
| 整套RGZ-91加咗改造部件、及DIY parts之後嘅素組一覽。 |
 |
| 飛機部份(B.W.S.)嘅Scratch Build parts一覽。 |
 |
| User Manual |
 |
| 原裝嘢，而家好少喺市面二手市場見到... Respect...😬😬😬。 |
 |
| 1/220 scale跟Coke汽水罐嘅大小比較 |
 |
| 幾經辛苦，已經上咗今年嘅Display Box。 又一件90年代旺角宇宙船嘅「精細嘢」完成，而家嗰啲Bandai嘢就係冇呢種質感，我就係追求呢種質感。 |
0 件のコメント:
コメントを投稿